DOUVAN PÒT KATEDRAL
Nan peyi m
se nan tas kafe
solèy leve
se sou lanmè m aprann
gade pwezi nan je
se la menm
jwenn mo
Lè vag chire pye sab
Lè wòch galèt reklame
kri kè m
lè lanati fè kolizyon
ak souri m
Sèjousi
zetwal file san mi
twòp vil dòmi channmas
twòp priyè kouvri douvan pòt Katedral
@ Tout dwa rezève
Jennifer Eugène
Jiris/ Powetès



Commentaires
Publier un commentaire