SIMILAK

  

Yèswa ankò, 

M kouri kite nat m te konn dòmi bò lari a

Pyem anfle nan danse bal, 

M vòltije kadav 184 lougawou 

Mèt peyi yo krible a wòch dife.

Lapli tonbe,

Lavalas la bwote avni nou tout 

Li devèsel nan on ravin labou

Kibò ?

Nan on ravin labou.

Kibò ?

Tchuips! Nan bouch leta. 

Peyi an paka fè kenn gòl 

Nèg yo pran nazon yo Kase de pyel 

Okenn abit pa bay fot,

Tout rèl malerèz se patisyon silans,

Sèl ti wout anlè a tounen VAR 

Lanmò abiye tout koridò yo,

Ki pridans ou ka fè la ? 

Al okipe Cha lapolis kap fè similak,

Menm Jan ak leta,

Tout Cha w wè yo,

Se Cha-Wony !

Beven ©