DÈNYE KRI

 Tankou yon dènye tanpèt

mwa novanm

pou lasirèn pran batèmdefe l 

peyi a pote m ale 

lapè m mèg ata nan nanm li 

sou kalandriye chak nouvo jou

lanmò m ekri an gra

se kouri m kouri pou lonbray mwen

pa teke m 

peyi a bouke souri nan lanvè venn li

plis pase senkant fwa

Ayiti Toma sèmante 

wouj se koulè prefere l 

Lè peyi a rale tete goch li

tout zetwal ki gade l nan je 

mouri mò madichonnen 

Smeev Jerry